Një anëtar i Alternativës së ekstremit të djathtë për Gjermaninë, i njohur për retorikën e tij anti-islame, ka befasuar tifozët e tij duke u konvertuar në Islam.

Arthur Wagner u ul në komitetin ekzekutiv të partisë në shtetin e Brandenburgut, por ka dhënë dorëheqje, duke thënë se arsyet nuk kanë të bëjnë me besimin fetar, transmeton portali arbresh.info

48-vjeçari, i cili është ende një anëtar i partisë, i tha një gazete se ajo ishte një “çështje private”.

Në faqen e internetit të partisë, AfD shpall se “Islami nuk i përket Gjermanisë”.

Mbështetësit e AfD-së kanë mbajtur rregullisht mitingje anti-islame dhe në zgjedhjet federale të vitit të kaluar partia ka përdorur postera që përshkruajnë gra të veshura me niqab, me qëllim që të dërgonin mesazhin e tyre.

Wagner, i cili është me prejardhje ruse, më parë i përkiste partisë së Bashkimit Kristian Demokratik (CDU) të kancelares gjermane Angela Merkel.

AfD fitoi vendet e para parlamentare në zgjedhjet e fundit, duke u bërë pala e tretë me përqindjen më të madhe të votave./arbresh.info/